Объектілерді бәсекелес ортаға беру жөніндегі жол картасы
2026 жылғы 10 сәуірдегі № 12-03/07-1534 тапсырмаға (1.2.1.1-т.) Қазақстан Республикасы Ұлттық экономика министрлігі (бұдан әрі - Министрлік) экономиканы демонополизациялау жөніндегі Комиссия отырысы шеңберінде (ҚР Премьер-Министрінің ағымдағы жылғы 6 сәуірдегі отырыс хаттамасының 1.2.1.1-тармағы) квазимемлекеттік сектор субъектілерін және мемлекеттік меншік объектілерін оңтайландыру жөніндегі тізбелерге енгізілген ұйымдарды бәсекелес ортаға беру бойынша жол карталарын әзірлеу және бекіту тапсырылғанын хабарлайды. Бүгінгі күні Жаңа оңтайландыру жоспарына (ҚР Үкіметінің 2025 жылғы 24 қазандағы № 894 қаулысы) бәсекелес ортаға беруге ұсынылатын шамамен 200 объект енгізілген, олардың негізгі бөлігін табиғи монополия субъектілері құрайды. Министрлік табиғи монополия субъектілерін бәсекелес ортаға беру бойынша жол картасының үлгісін (1-қосымша), сондай-ақ басқа объектілер үшін үлгіні (2-қосымша) әзірледі. Бұл үлгі кеңейтілуі және басқа объектілерге қатысты қолданылуы мүмкін. Осыған байланысты ағымдағы жылғы 15 мамырға дейін жол карталарын Министрлікті хабардар ете отырып және мемлекеттік мүлік тізілімінің веб-порталында (gosreestr.kz) орналастыра отырып, жеке бекітуді қамтамасыз етуді сұраймыз. Шаралар қабылданбаған және ҚР Премьер-Министрінің көрсетілген тапсырмасы орындалмаған жағдайда Жаңа оңтайландыру жоспарын іске асыруға жауапты тұлғаларды (мемлекеттік орган мен ұйымның бірінші басшысының орынбасарынан төмен емес) жауапкершілікке тарту мәселесі бастамашылық етіледі.